Dangal

KUNG IKAW ay nakatira o napapadaan sa Barangay Central o Barangay Sikatuna, kapansin-pansin na ang mga kalye rito ay hango sa mga values na karaniwang ipinagmamalaki ng mga Pilipino.

Iba't ibang mahahalagang pag-uugali ng mga Pilipino ang kapansin-pansing ginamit para pangalanan ang mga kalye.

Sa aking pakiwari, ginawa ito upang maipakita kung paano pinapahalagahan ng mga Pilipino ang dangal ng isang mamamayan o ng isang tao.

Bagamat walang Marangal St. sa nabanggit ng mga barangay na ito, masasabing kapag naisabuhay mo ang lahat ng values na ito, ikaw ay maituturing na marangal at nabuhay na may dangal.

#Hashtag

USONG-USO ngayon ang paggamit ng hashtag, na nagsimula upang mapag-sama-sama o mai-grupo ang magkakatulad na ideya.

Ang kauna-unahang hashtag ay #barcamp, na ginamit bilang experiment ng mga marketers sa Twitter. At ang sabi nga ay "And the rest is history.

Hindi naman nagpapahuli ang mga Pinoy sa paggamit ng hashtag. May hashtag tayo para sa halos lahat ng bagay na ating ginagawa. Mula sa pagkain hanggang sa kung ano ang ginagamit nating deodorant, may kaakibat itong hashtag.

Sa Instagram, ang pinakasikat na hashtag para sa 2016 ay "love". Sa wikang English, ang pinakapopular ay #AMA (Ask me anything).

Ang Bayani

Ngayon ika-30 ng Nobyembre ay ipagdiriwang ang ika-153 kaaarawan ni Andres Bonifacio, ang Ama ng Himagsikang Pilipino.


Naalala ko si Bonifacio dahil sa mga pangyayari nitong mga nakaraang araw sa ating kasaysayan.

Naalala ko kung bakit tinatawag na bayani ang isang tao.

Naalala ko kung paano sinikap ni Bonifacio na matuto at bagamat hindi nakapagtapos ng kolehiyo ay tinuruan ang sariling makapagbasa at mapalawak ang kaisipan.

Naalala ko rin kung paano si Bonifacio ay tinraydor ni Emilio Aquinaldo, na itinuturing na unang pangulo ng Republikang Pilipinas.

Naalala ko rin kung paano ginamit ni Aquinaldo ang batas laban kay Bonifacio upang mapatahimik ang kalaban niya para sa pagkapangulo.

Naalala ko rin kung paano pinapatay ni Aquinaldo si Bonifacio.

Death Penalty

Si Leo Echegaray ang isa sa mga Pilipino na
kinatay sa ilalim ng death penalty law.

 

ALAM MO bang si Hesu Kristo ay biktima ng death penalty?

Si Hesu Kristo, kasama ang dalawang magnanakaw na pinangalanang  sina Dismas at Hestas, ay tinorture muna bago ipinako sa krus at hinayaang mamatay.

Karumaldumal?

Pero, ayon kay Manny Pacquiao, sa kanyang unang talumpati bilang nahalal na Senador, sang-ayon ang Diyos niya sa pagpatay. Aniya, pwedeng patayuin sa bangko ang isang detenado, talian ng lubid sa leeg at pagkaraan ay sipain ang bangko upang masakal hanggang mamatay ang bilanggo.